ആദ്യമായ്

മഴയായ് പോഴിയുവതെന്ത്
ആദ്യാനുരാഗത്തിൻ ഓർമ്മകളോ

തേൻതുള്ളികളായ് നിറയുവതെന്ത്
പ്രണയത്തിൻ സൌന്ദര്യമോ

ഈ ഇടനാഴിതൻ അകലങ്ങളിൽ നിന്ന്
തിരികേ വരൂ ഒന്നുകാണാൻ
തോളോടു തോൾ ചേർന്നു വെറുതെ നടക്കാൻ

ആർദ്രമാം മിഴികളിൽ, വിറയാർന്ന ചുണ്ടുകളിൽ
മധുരമായെത്തുന്നു നിന്റെ ഗന്ധം
പ്രണയത്തിൻ ഗന്ധം, ഓർമ്മകൾ തൻ സുഗന്ധം!.

രാവിതു പുലരുമ്പോൾ തെളിയുന്ന
മഴവില്ല് പോലെ, വിരിയുന്ന പൂമൊട്ടു പോലെ ...
വിരിയുന്നാ പഴയ പ്രണയം,..... ആദ്യപ്രണയം!.